Kuriozitete
10 rastet kur shqiptarët ja huqin me të madhe
Kanë një shprehje interesante tironcit e vjetër: Vesi del me shpirtin. Për veset e lindura edhe shkenca ngre duart lart por sot flasim për veset e mësuara apo të kopjuara. Si racë e rrahur nga dimër i ashpër dhe diell përvëlues, me jastëk malin dhe legen me ujë të kripur detin, duket se përvetësojmë në mënyrë të pavullnetshme disa zakone të pështira prej të cilave nuk ndahemi kollaj.
Një shtëtitje nëpër rrugët rurale apo urbane, nëpër fshatrat apo qytetet tona nuk përbën asnjë dallim. Femra dhe meshkuj të veshur ndryshe, të qethur ndryshe, më këmbë apo me makinë, të kamur apo të s’kamur që sillen dhe reagojnë njësoj. Para jush nje e nga një huqet më të ndyra e më të spikatuar që formojnë identitetin tonë sharlatan:
1. Femrat që shkojnë dyshe ose treshe në banjë
Ndjehen më të sigurta, furça njeratjetrës dhe pa dyshim me brekë nëpër këmbë pak thashetheme të shpejta.
2. Shkundja e cigareve në filxhanin e kafesë
Mirë që rrimë gjithë ditën në kafe duke marrë në gojë gjithë dynjanë por as higjenë dhe estetikë personale nuk tregojmë. Pasi mbarojmë së rrufituri kafenë vazhdojmë shkundim hirin dhe fikim cigaren në filxhanin ku para 3 minutash puqnim buzët dhe po në atë filxhan nesër unë ose ti do pimë sërish kafen e rradhës.
3. Shfryrja e qurrave dhe gëlbazat e hedhura vend e pa vend
Je duke ecur me gruan ose me shokët? Një hap djathtas, me dorën e djathtë blloko vrimën e majtë të hundës, merr frymë thellë dhe shkëpute. Qurret me shpejtësi skëterrë lëshohen direkt te shtylla neone. Më pas edhe një nxjerrje gëlbazash dhe sekrecionesh, fërkim duarsh në vend të pastrimit dhe vazhdo ec pa më të voglin siklet.
4. Thoi i gishtit të madh që kruan dhëmbët
Në fakt thoin e gjatë të gishtit të vogël e fusim gjithandej. Më egzotikja është kruajtja e mishit të mbetur në dhëmbët anësorë pas një dreke të fuqishme.
5. Takat e larta buzë detit
Këto torrollaket tona mirë që hapen bythësh gjithë vitin në Bllok por edhe kur shkon për pushimet e verës në Jal ose Dhërmi shikon të njëjtat fytyra por kësaj here me një ndryshim. Të xhveshura me rroba banjoje por hequr scarpinat, takat e larta e duke shitur pordhë para laçianëve buzë detit të Jugut.
6. Dhjerja me emergjencë
Studimet e fundit tregojnë se shumica e shqiptarëve dhjesin shpejt, bëjnë dush shpejt dhe ngasin makinën shpejt. Të duket sikur axhenda e tyre është super e ngjeshur por në të vërtetë shpejtësia e tyre nuk i çon asgjëkundi. 2 nubura dhjerje, 3 minuta dush, 4 minuta vozitje me makinë, 84 minuta në kafe.
7. Kolektivitet bastexhinjsh
Djem e burra që zgjohen e ngrysen me kofiçentë rezultatesh në kokë.Emocione dhe ndjesi të tjetërsuara. Abandonim të familjes dhe shoqërisë. Para të shpenzuara për bllofet e ndyra dhe në fund katandisje halabakëria pa askënd pranë.
8. Zagarë të politikës
Çdo ditë shajmë e mallkojmë politikën dhe aktorët e saj. Anatemojmë liderë e parti. Urrejtje patetike dhe neveritje por…dhe vjen dita e zgjedhjeve. Ne sharësit mbajmë të parët rradhën për të votuar të sharët.
9. Vetëm sumqimat lidhin rripin e sigurimit
Dukesh si legen me atë rrip. Pse e vë, apo të të shajnë? Pse e lidh apo të shesësh pordhë… Vdiq, vdiq në një aksident në autostradë. Ekspertët thanë nëse do kishte lidhur rripin e sigurimit do kishte shpëtuar.
10. Meshkuj llapaqenë
Pavarësisht namit, gratë e shkreta janë më racionale. Ato janë gjithë ditën të zëna. Punë shteti, bërje pazari, kujdes për fëmijët, gatesat, punët e shtëpisë dhe ndoshta një kafe me shoqet. Burrat shqiptarë?
Intrigantë dhe thashethemexhinj që mbulojnë këto perversitete të poshtra me mashkullitetin dhe pamjen e rëndë në fytyrë. Hipokrizi me 5 yje kjo e jona.
