15 të vdekur nga përmbytjet, Greqia 3 ditë zi kombëtare

15 të vdekur nga përmbytjet, Greqia 3 ditë zi kombëtare

Qeveria greke ka shpallur zi kombëtare 3 ditore pas përmbytjeve masive që prekën vendin, duke shkaktuar 15 viktima.

Mediat greke raportojnë se autoritetet kanë urdhëruar që të kryhen hetime për situatën e krijuar.

Moti i keq dhe përmbytjet gati apokaliptike përveç 15 viktimave shkaktuan edhe 21 të plagosur, ndërsa qindra shtëpi dhe dyqane u dëmtuan.

Situata paraqitet problematike në Athinë dhe Mandra, një zonë e populluar vetëm 27 kilometra larg kryeqytetit.

Mësohet se në Mandra jetojnë 600 familje shqiptare, ku 100 prej tyre janë prekur nga përmbytjet.

Greqia ditën e djeshme shpalli gjendjen e jashtëzakonshme në ishullin Simi, i cili u përfshi nga stuhia për shkak të së cilës ishte ndërprerë energjia elektrike dhe uji. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.