Abrashi i dëmtuar, Panucci fton në kombëtare një futbollist anonim

Abrashi i dëmtuar, Panucci fton në kombëtare një futbollist anonimK. Demiraj

Sport

Kombëtarja shqiptare nis sot pasdite grumbullimin e saj në Antalia ku do bëhet gati për ndeshjen miqësore ndaj Turqisë.

Trajneri Christian Panucci, së fundmi i ka shtuar listës së tij të lojtarëve të grumbulluar edhe një tjetër futbollist, duke sjellë në ekip një emër të ri.

Kjo, për shkak të pamundësisë së rikuperimit të Amir Abrashit, i cili vazhdon terapinë intensive të detyruar për riaftësimin e tij, në klubin e Freiburgut.

Sipas FSHF, bëhet fjalë për Kamer Qaka. 22 është lojtari më i ri që vjen në skuadrën kombëtare të futbollit. Ai ka lindur në Kosovë në vitin 1995, luan në pozicionin e mesfushorit, dhe aktualisht aktivizohet në radhët e ekipit rumun të CSM Politehnica Iași.

Që nga viti 2010 e deri me fillimin e këtij sezoni, futbollisti Kamer Qaka ka luajtur me skuadra të ndryshme në kampionatin norvegjez, duke nisur që me Valerengën, teksa një edicion më parë ishte në radhët e skuadrës së Kristiansund.

Aktualisht, me skuadrën rumune deri në këto momente, Qaka ka luajtur 11 ndeshje. Ekipi kombëtar i futbollit do të qëndrojë një javë në Antalia për të përgatitur ndeshjen miqësore të 13 nëntorit në Antalia me skuadrën përfaqësuese turke.

JOQ.al