Shqiptari vrasës në Greqi kërcënonte vajzat: Ose do të qëndrosh ose do të…

Shqiptari vrasës në Greqi kërcënonte vajzat: Ose do të qëndrosh ose do të…D. Cani

Lajme

Mediat greke kanë zbardhur dosjen kriminale të 32-vjeçarit shqiptar që vrau avokatin grek Mixalis Zafeiropoulos.

32-vjeçari shqiptar, i cili njihet me emrin Mikela Brahimas në dosjen penale greke, në janar të vitit 2007 i është afruar një fuoristrade greke ku ndodhej një 18-vjeçare së bashku me të dashurin e saj.

Pasi i kërkuan çiftit para, shqiptari përdhunoi 18-vjeçaren, e cila u tregoi autoriteteve gjithçka në atë kohë.

Ajo ka thënë:

Më pyeti sa vjeç jam, nëse jam e lidhur. I thashë që jam e virgjër. Ai filloi të fliste pa kuptim: “Do të të tregoj se si është”. Unë po qaja, ai ngriti dorën dhe tha “pusho moj k****”. Që të më linte të ikja, bëra çfarë më tha. Tha “mba qetësi që të mos na dëgjojnë”.

Vetëm dy vite më pas, ai dhe bashkëpunëtorët e tij sulmuan një tjetër makinë.

Shqiptari abuzoi me një 19-vjeçare dhe e kërcënonte duke i thënë:

Ose do të qëndrosh ose do të të vras, nuk do të të çoj kurrë në shtëpi. Ose do të bësh çfarë të them unë ose fund”.

Mikela Brahimas u arrestua dhe u dënua me 25 vite burg edhe për grabitje, por u lirua në vitin 2015 për shkak të një ligji të ri për të burgosurit. Pasi doli nga qelia, 32-vjeçari u largua drejt Shqipërisë për një kohë të pacaktuar duke kaluar ilegalisht nga kufiri jeshil dhe më pas u rikthye në Greqi.

Ndërsa më 12 Tetor 2017 Mikela Brahimas me një bashkëpunëtor që është në kërkim ekzekutuan avokatin e njohur grek Mixalis Zafeiropoulos në studion e tij në mes të Athinë.

JOQ.al