Rama: Ish-kreu i SHISH-it, Visho Ajazi, ambasador i Shqipërisë në NATO

Rama: Ish-kreu i SHISH-it, Visho Ajazi, ambasador i Shqipërisë në NATO

Kryeministri Edi Rama ka propozuar ish-kreun e Shërbimit Informativ Shtetëror, Visho Ajazi për ambasador të Shqipërisë në NATO.

Propozimi i është dërguar Presidentit të Republikës, Ilir Meta. Deri më tani, Shqipëria është përfaqësuar në NATO nga ish-deputeti i Partisë Demokratike, Leonard Demi.

Visho Ajazi Lika dha dorëheqjen më 30 tetor të 2017, ndërsa në të njëjtën ditë Presidenti dekretoi largimin e tij nga detyra. Ndërkohë që ende nuk ka firmosur propozimin e kryeministrit Rama për kandidaturën e Helindon Bendos.

Largimi i Visho Ajazit nga posti i kryetarit të SHISH-it shkaktoi debate të shumta, kjo për faktin se SHISH gjatë kohës që drejtimit prej tij ka depozituar raportet konfidenciale mbi situatën e drogës në vend.

Opozita deklaroi se dorëheqja e Visho Ajazi Likës ishte rezultat i presionit ndaj denoncimit të trafikut të narkotikëve, ndërsa nga mazhoranca nuk ka pasur komente. Midis asaj që u tha në media, ishte edhe një pozicion që Ajazi mund të merrte në NATO. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.