E rrallë/ Pengesë apo avantazh? Njihuni me portierin që ka 11 gishta në duar

E rrallë/ Pengesë apo avantazh? Njihuni me portierin që ka 11 gishta në duarK. Demiraj

Sport

Portieri brazilian, Edson Pereira Lisboa nuk është si gjithë portierët e tjerë. Ai ka 11 gishta në dorën e tij dhe jo 10 si njerëzit normalë. Gardiani brazilian ka gjashtë gishtërinj në dorën e majtë, dhe 5 në të djathtën.

Nuk dihet nëse kjo është një avantazh në karrierën e tij, apo e ka penguar, por deri tani ai nuk e ka pasur problem të ushtrojë profesionin e tij. Duke folur për gazetën braziliani “Journal O Sul” Edson ka treguar rastin e rrallë.

“Shumë më pyesin nëse përdor një dorezë të veçantë, por kjo nuk është e vërtet. Dora ime përshtatet në një mënyrë normale. Ka të tjerë që thonë se kur bëj një pritje të vështirë, kam avantazh nga gishti shtesë”, ka treguar ai.

Një mjek i ka sugjeruar për të bërë një operacion për ta hequr gishtin shtesë, por ai nuk ka pranuar. Edson Lisboa është pjesë e klubit ABC Futebol Clube, në Seria C në Brazil, teksa më parë ka qenë dhe në skuadrën e Atletico Minieros.

JOQ.al