Kuriozitete
Vrasja e komisar Cukut, i dyshuari ndryshon dëshminë
Vrasja e komisar Cukut, i dyshuari ndryshon dëshminë
I dyshuari për vrasjen e komisar Artan Cukut, ndryshon dëshminë lidhur me autorësinë e krimit.
Avokati mbrojtës i Mikel Shallarit ka bërë kërkesë në Gjykatën e Krimeve të Rënda këtë të mërkurë, ku kërkon lirimin e klientit të tij.
Në kërkesë thuhet se Shallari e ka pranuar autorësinë, duke sajuar gjithçka për shkak të presionit që është ushtruar ndaj tij.
Por në momentin e arrestimit i riu tha para policisë se ishte ai autori i krimit dhe se për ekzekutimin e komisarit të ndjerë ishte paguar 18 mijë euro.
Nga ana e tijj grupi hetimor thotë se ka prova të shumtë shkencore që provojnë autorësinë e Shallarit, pasi pranë vendit të ngjarjes janë gjetur prova të cilat kur janë krahasuar me ADN-në e të riut nga Kuçova janë përputhur plotësisht. Më konkretisht bëhet fjalë për disa rroba të cilat ishin hedhur pak më tutje vendit të krimit dhe gjurmët e gishtave të lëna në to.
Ish-komisar Artan Cuku u ekzekutua në hyrje të pallatit të tij më 8 prill 2017, në rrugën e “Kosovarëve”, pranë zonës së Liqenit në Tiranë.
Pak javë pas ngjarjes, policia arrestoi si të dyshuar 24- vjeçarin nga Kuçova Mikel Shallari, i cili dyshohet të jetë vrasës me pagesë. /a.y/noa.al
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.