“U ndalua se i kishte marrë 78 mijë euro italianit me mashtrim”, deputeti “plas bombën: Jam në traget

“U ndalua se i kishte marrë 78 mijë euro italianit me mashtrim”, deputeti “plas bombën: Jam në tragetF. Tenolli

Ish-deputeti Eduart Ndocaj, pas deklaratës së policisë se ishte ndaluar nga policia e Durrësit në port për veprën penale “mashtrimi” ka patur një reagim të fortë.

Ndocaj deklaron se ky është një sulm i rëndomtë politik nga banditë në pushtet që përdorin një të sëmurë mendor për ta baltosur padrejtësisht.

Ai ka postuar edhe foto nga trageti me të cilin po udhëton për në Itali, në faqen e tij zyrtare në Facebook.

Për këtë ngjarje ish-deputeti ka shtuar se do të merret avokati i tij këtu në Shqipëri.

Ai thotë se pas këtij sulmi fshihet kryeministri dhe deputeti i PS-së në Lezhë Pjerin Ndreu:

Kryeministri me kriminelët e tij në Lezhë që i drejton deputeti famoz që ishte Drejtori i Policisë së Shtetit që humbën 50.000 pasaporta.

NJOFTIMI I POLICISË SË SHTETIT:

Më datë 09.10.2017, në PKK Port, Durrës, u kap shtetasi në kërkim E.N, vjeç 42, banues në Manati Lezhë, pasi dyshohet se nëpërmjet mashtrimit në Itali, i ka vjedhur një shtetasi italian nje shume eurosh. Ne perfundim te veprimeve te kryera nga D.V.P Lezhe ndaj shtetasit E.N u referuan materialet ne Prokurori dhe ndiqet ne gjendje te lire per vepren penale parashikuar nga neni 143/2 i Kodit Penal.