Armando Sadiku vendos rekord me golat, lë pas 2 legjenda të Kombëtares

Armando Sadiku vendos rekord me golat, lë pas 2 legjenda të Kombëtares

Mund të quhet mbrëmja e Sadikut ajo e sotmja e ndeshjes miqësore Turqi-Shqipëri.

Sulmuesi shënoi 2 gola të shpejtë për Kombëtaren shqiptare në fitoren kundër turqve.

Me dygolëshin e realizuar në pjesën e parë në miqësoren me Turqinë, Armando Sadiku ngjitet në kuotën e 11 golave me fanellën e kombëtares shqiptare.

Sulmuesi elbasanas futet në historinë e kuqezinjve si golashënuesi i katërt me më shumë gola të shënuar.

Sulmuesi 26-vjeçar kaloi dy legjenda të futbollit shqiptar si Sokol Kushta dhe Igli Tare, ndërsa barazoi Hamdi Salihin dhe Altin Rrakllin me nga 11 gola.

Duke parë moshën e tij të re, nuk është çudi që ai të ngjitet si i pari i “fronit” të golashënuesve./a.k/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.