Arrestohet “polici”, kërcënoi me armë një person dhe kundërshtoi efektivët

Arrestohet “polici”, kërcënoi me armë një person dhe kundërshtoi efektivët

Një person është arrestuar nga policia e kryeqytetit pasi ka kërcënuar me armë zjarri një 49 vjeçar, por kontrollit në banesë ka zbuluar edhe paligjshmëri të tjera në ngarkim të tij.

Shërbimet e policisë të komisariatit nr.4, pranë D.V.P.Tiranë, ditën e djeshme arrestuan shtetasin Fatjon Hasimi, 29 vjeç, banues në Tiranë.

Arrestimi i tij shtetasi u krye, pasi në rrugën "5 Maji", për motive të dobëta ka kanosur me armë zjarri të llojit pistoletë, 49 vjeçarin A.M., banues në Tiranë.

Gjatë kontrollit të ushtruar në lokalin e këtij shtetasi është gjetur dhe sekuestruar në cilësinë e provës materiale një stemë e Policisë së Shtetit dhe një radio marrëse dhe dhënëse.

Gjithashtu gjatë kontrollit të ushtruar në banesën e këtij shtetasi është konstatuar lidhje e paligjshme e energjisë elektrike.

Materialet iu referuan Prokurorisë së Rrethit Gjyqësorë Tiranë në ngarkim të shtetasit të lartpërmendur për veprat penale "Kanosje", "Kundërshtim i punonjësit të policisë të rendit publik", "Vjedhje e energjisë elektrike" dhe "Prodhim dhe mbajtja pa leje e armëve dhe municionit luftarak". /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.