Basha: Kuvendi t’i heqë imunitetin Tahirit, Rama sot i vdekur politikisht

Basha: Kuvendi t’i heqë imunitetin Tahirit, Rama sot i vdekur politikisht

Kreu i Partisë Demokratike, Lulzim Basha i ka bërë thirrje Kuvendit të Shqipërisë që të vihet menjëherë në lëvizje pas kërkesës së Prokurorisë për heqjen e mandatit të deputetit Saimir Tahiri.

Në një dalje për mediat Basha u shpreh se çdo vonesë do të shërbejë për shkatërrimin e provave.

“Çdo shqipar i ndershëm dhe çdo deputet duhet të dijë të vërtetën. Arrestimi i Tahirit është vetëm hapi i parë.

Që prej këtij momenti qeverisja e Ramës de facto ka mbaruar. Sot Edi Rama është i vdekur politikisht, një kufomë që sillet vërdallë. Partia Socialiste të shkëputet nga Edi Rama dhe grupi kriminal.

Komisioni i Mandateve dhe seanca duhet t’i hapë rrugë arrestimit të Saimir Tahirit dhe largimin e mënjëhershëm Edi Ramës, koha nuk pret”, tha Basha. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.