BE “sulmon” Ramën: Në vend të merret me drogën, ka përkeqësuar marrëdhëniet

BE “sulmon” Ramën: Në vend të merret me drogën, ka përkeqësuar marrëdhëniet

Këshilli Europian për Marrëdhëniet me Jashtë në një shkrim të publikuar në faqen zyrtare të këtij Këshilli, “ECFR.eu”, teksa analizon situatën në Ballkanin Perëndimor dhe me idenë se çfarë Europa mund të bëjë për këto vende, ndalet edhe te Shqipëria.

Në pjesën dedikuar vendit tonë thuhet se “Shqipëria është vendi ku trafiku i drogës dhe pastrimi i parave lulëzojnë”, ndërsa nuk nguron të kritikojnë edhe kryeministrin Edi Rama se po përkeqëson marrëdhëniet.

“Shqipëria ka përçarje të madhe politike, ku politikat dhe marrëdhëniet klanore ndërthuren në rrjetën e hakmarrjes dhe korrupsioni. Trafiku i drogës dhe pastrimi i parave lulëzojnë në këtë ambient.

Në vend që ti përgjigjen këtyre dështimeve qeveritare, Edi Rama, kryeministri shqiptar, kohët e fundit i ka përkeqësuar edhe më tepër, duke ngritur spektrin e Shqipërisë së Madhe, duke ushqyer frikën e separatizmit në Maqedoninë fqinje”. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.