Biznesmeni i njohur ekzekutohet me pesë plumba, kamerat kapin momentin

Biznesmeni i njohur ekzekutohet me pesë plumba, kamerat kapin momentin

Një biznesmen shumë i pasur është vrarë nga një vrasës me pagesë, për të cilin policia beson se ishte punësuar nga rivalët e viktimës që ushtronin të njëjtin profesion.

Sulmi ndaj Georgiy Agapzhanov është filmuar nga kamerat e sigurisë, ku shfaqet momenti kur vrasësi me pagesë i afrohet nga pas dhe e qëllon disa herë me revole, transmeton telegrafi.

Biznesmeni i suksesshëm nga Armenia, është qëlluar me pesë plumba në qendër të qytetit të Moskës dhe mbi të gjitha në mes të ditës.

38-vjeçari Agapzhanov, kishte parkuar veturën e tij në rrugën Novoslobodskaya rreth orës 8:30 të mëngjesit, dhe disa sekonda më vonë vrasësi i afrohet nga pas dhe e qëllon.

Ndërkaq policia është duke hetuar rastin dhe po besojnë se vrasja ishte porositur nga rivalët e tij në biznes. www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.