Drogë nga Shqipëria drejt Italisë, 26 të arrestuar nga “Smoke Snake”

Drogë nga Shqipëria drejt Italisë, 26 të arrestuar nga “Smoke Snake”

Plot 26 persona janë arrestuar nga policia italiane, të akuzuar si të përfshirë në trafik droge nga Shqipëria drejt Italisë.

Angazhimi i 100 efektivëve të policisë së Caserta, në orët e para të mëngjesit të së hënës kurorëzoi operacionin e koduar “Smoke Snake” (Tymi i gjarprit).

Gjatë këtij operacioni u arrestuan 26 persona shqiptarë dhe italianë, si dhe u sekuestruan sende dhe materiale të kundraligjshme me vlerë mbi gjysmë milionë euro.

Të akuzuarit dyshohen si të përfshirë direkt në trafikimin e drogës nga Shqipëria në Itali, ku lënda narkotike tregtohej në zonën e Napoli dhe Caserta.

Detaje nga operacioni pritet të bëhen me dije në orët në vijim.

Ky operacion u kurorëzua në vijim të hetimeve të nisura në maj 2016, ku u arrestuan 9 persona dhe u sekuestrua 38 kilogramë marijuanë dhe 7.4 kilogramë heroinë. /a.y/noa.al

Foto ilustruese

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.