E rëndë, nëna dhe djali 13 vjeç masakrohen me thikë nga lypësi që strehuan në shtëpi

Një djalë ka pranuar vrasjen e një nëne dhe djalit të saj 13-vjeçar në shtëpine e tyre pasi familja e mori si një lypës nga rruga dhe u kujdes për të. Tracey Wilkinson 50 vjeç, dhe Pierce Wilkinson 13 vjeç, u qëlluan me thikë për vdekje brënda shtëpisë së tyre në Stourbridge të Anglisë më 30 mars.

Aaron Barley 24 vjeç u deklarua fajtor nga Gjykata e Birmingamit për vrasjen e dy personave. Edhe bashkëshorti i saj Peter Wilkinson u qëllua nga agresori, por i mbijetoi plagëve. Ai arriti të telefononte urgjencën pasi u godit gjashtë herë me thikë dhe kaloi 11 ditë në spital, shkruan newssky.

E bija Lidia ishte në shkollë momentin e ngjarjes dhe përshkroi momentin kur gjeti trupat e nënës dhe të vëllait të saj në spital. “Hyra brenda dhe ndejta me mamanë dhe vëllain për disa momente dhe u ndjeva shumë keq për faktin që nuk i mbrojta dot.

” Tracey Wilkison e kishte takuar vrasësin Barley jashtë supermarketit dhe se ajo ishte përpjekur për ta ndihmuar pa e ditur se kishte të bënte me një vrasës. Barley ishte i pastrehë dhe u ndihmua nga familja Wilkinson.

Por një vit më vonë ai i sulmoi me thikë duke lënë të vdekur në vend të zonjën e shtëpisë që e quante si mamanë e tij si dhe djalin e vogël të familjes.