Erdogan: Jam rritur në duart e një nëne shqiptare

auto_thumbs_b_c_2ecc08bef393f1f7bb0450d71bf6b44f1482345169

Presidenti i Turqisë, Tayip Erdogan, ka folur në një konferencë për shtypi pas takimit me homologun shqiptar Bujar Nishani

Erdogan ka thënë se Shqipëria është vend kyç për stabilitetin në Ballkan. Presidenti turk ka folur për fëmijërinë e tij e cila sipas tij, ka lidhje të ngushtë dhe emocionale me shqiptarët, shkruan haberturk.com.

“Në vendin ku kam lindur unë, komshinjtë e parë i kemi pas shqiptarë. Mund të them se jam rritur në duart e nënës shqiptare. Ishte një familje e mrekullueshme dhe i falënderoj për kujdesin që kishin ndaj meje si fëmijë”, është shprehur Erdogan.

LEXO EDHE ->  6 gjëra të çuditshme që i ndodhin trupit kur udhëtoni me avion

Erdogan ka përmendur investimet turke në Shqipëri duke thënë se kapin shumën mbi 3 miliardë euro, ndërkaq pati edhe një falënderim për Nishanin.

“Falënderojmë presidentin Nishani për përkrahjen e tij në luftën kundër FETO-s”.

Tutje Erdogan tha se do të bëjnë çdo që është e mundur për ta mbrojtur Shqipërinë, ndërkaq ka shtuar se do të investojnë më tepër në sistemin e arsimit.