Facebook jashtë funksioni, ndërpritet shërbimi në shumë shtete të botës

Facebook jashtë funksioni, ndërpritet shërbimi në shumë shtete të botës

Mijëra apo miliona përdorues të Facebook nuk janë në gjendje që të lidhen me rrjetin social as nëpërmjet kompjuterit dhe as nëpërmjet telefonit.

Shumica e përdoruesve e raportuan si “ndërprerje totale” që do të thotë se faqja as nuk ngarkon por as nuk lejon që të futesh në llogari.

Ndërprerja e ndodhur pasditen e sotme, e mërkurë, nuk i lejon përdoruesit që të bëjnë postime.

Sajti ‘Down Detector’, i cili përmbledh mendimet e njerëzve në rrjetet sociale rreth një teme të caktuar, tregon shumë përdorues duke e raportuar këtë problem i cili ka prekur një pjesë të madhe të Shteteve të Bashkuara të Amerikës, Britaninë e Madhe dhe shumë shtete në Europë.

Një përdoruesi i Facebook, ka publikuar një mesazh online ku shkruhet “Facebook do të kthehet shumë shpejtë. Faleminderit për durimin tuaj, ndërkohë që përmirësojmë sajtin”. /a.y/noa.al

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.