Gjenden 15 kallëpe tritoli në Sarandë, ishin fshehur mes shkëmbinjve

Gjenden 15 kallëpe tritoli në Sarandë, ishin fshehur mes shkëmbinjve

Plot 15 kallëpe tritoli me peshë 400 gramë secili, janë sekuestruar ditën e sotme nga policia e Sarandës.

Lënda plasëse u gjet e fshehur në një thes mes disa shkëmbinjve dhe shkurreve në kodrën mbi lagjen "Baba Rexhepi" në Saradë.

Tritoli me peshë totale 6 kilogranë u gjet pas kontrollit të imtësishëm të zonës të kryer nga policia e qytetit bregdetar.

Kontrolli erdhi pas informacioneve të marra nga policia në bashkëpunim me Agjencitë e tjera Ligjzbatuese, për një sasi lëndë shpërthyese të fshehur në kodrën mbi lagjen “Baba Rexhepi”.

Policia po punon lidhur me dokumentimin e plotë ligjor të këtij rasti si dhe për identifikimin dhe kapjen e autorëve. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.