Gjendet i pajetë një person në rrugë, ja çfarë iu gjet në xhep

Gjendet i pajetë një person në rrugë, ja çfarë iu gjet në xhep

Një trup i pa jetë është gjetur paraditen e sotme në qytetin e Durrësit.

Ngjarja ka ndodhur rreth orës 10:35, në lagjen Nr. 15 Durrës, në vendin e quajtur "Hidrovori", ku është gjetur pa shenja jete shtetasi A.B., 53 vjeç, banues në Durrës.

Ka qenë një patrullë policie e cila ka pikasur trupin e pa jetë në rrugë gjatë kohës që ishin duke patrulluar.

Nga këqyrja paraprake e viktimës nuk janë evidentuar shenja dhune. Gjatë kontrollit fizik i është gjetur në xhep një kokërr fotoksinë.

Nga hetimet paraprake dyshohet se shkak ka qenë gjendja e rënduar psikologjike dhe mund të jetë vetëhelmuar.

Vijojnë hetimet nga grupi hetimor dhe ekspertë mjeko-ligjor në përcaktimin e shkakut të saktë të vdekjes me daljen e aktit të ekspertimit. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.