Hapet zjarr në një kishë në SHBA, raportohet për viktima

Hapet zjarr në një kishë në SHBA, raportohet për viktima

Masakër me të paktën 27 të vrarë, mes tyre dhe një fëmijë 2-vjeçar, gjatë meshës në një kishë baptiste në Teksas të Shteteve të Bashkuara të Amerikës.

Korrespondenti i NOA.al në Teksas raporton se sulmi ndodhi në “First Baptist Church of Sutherland Springs” në Teksas.

Një person i armatosur hyri të dielën paradite në 11.30 (ora amerikane) në brendësi të kishës teksane, në momentet kur atje po zhvillohej një meshë e së dielës dhe ishte e mbushur plot me banorë të zonës.

Mes qytetarëve në kishë gjendeshin dhe shumë gra e fëmijë dhe të moshuar.

Agresori ishte i veshur me rroba ushtarake dhe hapi zjarr duke përgjakur kishën në meshë e sipër.

Shefi policor lokal Alber Gamez Jr konfirmoi vdekjen e 27 personave.

Ai shtoi se edhe 24 të tjerë kanë mbetur të plagosur në shkallë të ndryshme.

Në vijim, autori besohet se hapi zjarr edhe ndaj vetes duke mbetur i vrarë.

Autoritetet thanë se po hetojnë edhe dyshimin që agresori të jetë vrarë nga plumbat e policisë.

Sutherland Springs është një komunitet me 400 banorë, rreth 42 kilometra në jug të San Antonio në Teksas të SHBA-ve. /noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.