I vihet zjarri një lokali në Vlorë, dyshohet e qëllimshme

I vihet zjarri një lokali në Vlorë, dyshohet e qëllimshme

Një lokal është djegur gjatë orëve të natës së mbrëmshme në qytetin e Vlorës. Ngjarja ka ndodhur rreth orës 22:50 në lagjen ''15 Tetori'', në një lokal bar kafe eurolloto.

Policia dhe shërbimi zjarrfikës kanë shkuar në vendngjarje dhe kanë bërë të mundur fikjen e flakëve të zjarrit.

Prej verifikimit paraprak të policisë ka rezultuar se në lokalin ''bar kafe eurolloto'', në pronësi të shtetasit D.D., 25 vjeç, prej shkaktimit të rënies së zjarrit janë djegur disa pajisje si televizorë, kompjuterë dhe printer.

Dyshohet që zjarrvënia të jetë vendosur me qëllim.

Grupi hetimor po punon për përcaktimin e zbardhjen e plotë të ngjarjes dhe identifikimin e kapjen e autorëve. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.