Kuriozitete
Imuniteti i Tahirit, nis mbledhja e Këshillit, prokurori: Kemi prova të reja
Imuniteti i Tahirit, nis mbledhja e Këshillit, prokurori: Kemi prova të reja
Ka rinisur paraditen e sotme mbledhja e Këshillit për Mandatet dhe Rregulloren, ku Prokuroria e Krimeve të Rënda kërkon heqjen e imunitetit për ish-ministrin e Brendshëm, Saimir Tahiri dhe më tej arrestimin e tij.
Në nisje të mbledhjes prokurori Besim Hajdarmataj, deklaroi se organi i akuzës do të paraqesë prova të reja, ku veprime të tjera hetimore e implikojnë deputetin Tahiri në aktivitetin e trafikut të lëndëve narkotike.
“Kemi administruar një pjesë tjetër të letër-porosisë të ardhur nga autoritetet italiane”, u shpreh Hajdarmataj.
Nga ana e tij, drejtuesi i mbledhjes, Gramoz Ruçi deklaroi se ka akuza ka bërë kërkesë të re, ku tha se do shqyrtohet pasi të dëgjohet pala mbrojtëse.
Nga ana e tij demokrati Enkeljed Alibeaj kërkoi që të dëgjohen prokurorët, ndërsa socialisti Ulsi Manja, kërkoi që mbledhja të vijojë aty ku u ndërpre ditën e djeshme.
Avokati mbrojtës i Tahirit, Artan Hajdari kërkoi që të njihen me provat. Por më tej mbledhja vijoi me dyer të mbyllura, duke bërë që Tahiri dhe avokati të dalin jashtë mbledhjes. /a.y/noa.al
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.