Kuriozitete
“Më jep lekët ose do i tregoj gruas”/ Si e zhvati shqiptarja për 4 vjet rresht biznesmenin italian…
Një grua shqiptare, 29 vjeç, është arrestuar nga policia italiane, pasi ka shantazhuar për 4 vjet më radhë një biznesmen italian, duke i zhvatur rreth 33.500 euro.
Sipas mediave italiane, ata kishin një lidhje jashtë-martesore bashkë dhe për këtë arsye shqiptarja i ka kërkuar 50-vjeçarit italian që t’i blinte një apartament në Shqipëri, ku të mund të jetonin bashkë.
Por edhe pse ata janë ndarë më vonë, 29-vjeçarja vazhdonte t’i kërkonte para duke e kërcënuar që do t’i tregonte gjithçka gruas për lidhjen e tyre.
Ajo u kap mbrëmjen e djeshme në një stacion hekurudhor në Padova të Italisë, teksa kishte lënë një takim me ish-partnerin e saj për t’i marrë 10.000 euro.
Por, e gjitha kjo ishte një kurth sepse në dijeni të kësaj situate ishte edhe policia italiane, e cila vuri në pranga shqiptaren