Kuriozitete
Mesila Doda mesazh për Tahirin: Suksese në jetë, merre me vete dhe…
Mesila Doda mesazh për Tahirin: Suksese në jetë, merre me vete dhe…
Ish deputetja Mesila Doda ka reaguar pas kërkesës së Prokurorisë për heqjen e mandatit të Saimir Tahirit dhe arrestimin për të.
Përmes një statusi në Facebook, Mesila ka ironizuar ish-ministrin e Brendshëm Saimir Tahiri duke i uruar suksese në jetë, ndërsa i thotë që të marrë me vete edhe mandatin e 18 të Tiranës.
“Suksese në jetë… merre me vete atje ku do shkosh dhe mandatin e 18 të Tiranës… zgjedhjet ranë, grabitja e mandatit të PDIU nga trafikanti, në sy të gjithë shqiptarëve”, shkruan Doda.
Pas kërkesës së Prokurorisë për marrjen e autorizimit për arrestimin e Tahirit, kryetari i Kuvendit Gramoz Ruçi ka vendosur mbledhjen e Këshillit të Mandateve dhe Imunitetit.
Mbledhja është caktuar të mbahet në orën 19.00 në Kryesinë e Kuvendit. Vendimi që do të merret në këtë mbledhje do të përcaktojë edhe fatin e ish-ministrit. /b.l/noa.al/
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.