Moderatori provokon live bukuroshen, ajo përgjigjet si e shkathët, por fëlliqet keq

Largimi i Marina Vjollcës nga emisioni “Procesi Sportiv” ka bërë që partneri i saj Edi Manushi të mendojë sa më parë për pasuesen e saj.  Në puntatën e fundjavës që shkoi, ai kishte ftuar dy bukuroshe për të mos u ndier i vetmuar, Suelën dhe Xhesikën.Të dyja përpiqeshin kush e kush të tregohej më e informuar mbi futbollin duke pretenduar ndoshta një vend në krah të Edit. Por Xhesika ka rënë pre e provokimit të Manushit. Duke e pyetur për ndeshjen kundër Lihteshtejnit, ai i bën një pyetje provokuese:

“Si të duket ky mbrojtësi i ri, Fred Lela?”, i thotë Manushi. Xhesika heziton pak dhe për të mos mbetur keq përgjigjet: “I mirë, ata të gjithë janë heronjtë tanë”, pa e kuptuar se Lela është gazetari që ka në krah dhe jo futbollist i kombëtares. Kaq ka mjaftuar që në studio të plasin të qeshurat.