Paguan fotografin profesional për një set, familja nuk u beson syve kur u sjellin albumin në shtëpi

Sado që rrjetet sociale janë kthyer të pandashme nga jeta jonë, sërish ka nga ato familje që u qëndrojnë besnike fotove tradicionale.

Një ndër to është edhe familja Zarings, e cila ka paguar një fotograf profesionist për të realizuar një set në parkun e qytetit.

Deri këtu gjithçka duket normale, por kur familja ka marrë setin për të cilin kishte paguar plot 250 dollarë ka mbetur pa fjalë.

Fotografi ua kishte dërguar fotot me postë dhe kur i hapën ata panë se fytyrat e tyre ishin gri dhe u ngjasonin personazheve vizatimorë.

Ky efekt nuk ishte vetëm në një foto por në të gjitha.

Megjithatë, i pari i familjes Pam Zarings tha se ia kishte kërkuar fotot origjinale dhe nuk kërkonte dëmshpërblim për transformimet e bëra.

Madje, familja ka vendosur që t’i mbajë ato si një kujtim unik.