Pasi i vdiq burri, vajza nga Puka rrëfen tmerrin me vjehrrin: Ajo që më bëri ishte imorale

Një grua ka rrëfyer historinë e trishtë të jetës së saj. Vajza nga Puka përpos dhimbjes së humbjes së bashkëshortit, ka përjetuar edhe kërkesën absurde të vjehrrit, që e ndau për vite nga djali i saj i vogël, shkruan Shkodra News.

Historia e saj:

Bashkëshorti im ka punuar gjithmonë në Itali në ndërtim dhe në shtëpi vinte 1 herë në 4 muaj. Ndryshe nuk kishim me çfarë të hanim. Por një ditë të zezë ai humb jetën në aksident me makinë atje. Kisha 1 fëmijë të mitur, as 2 vjeç nuk i kishte mbushur akoma. Normal drama dhe dhimbja e madhe. Pasi mbaroi vakia më thotë vjehrri që të martojë më djalin e vogël të shpisë. Pra të martohesha me kunatin e vogël që e kisha moshatar. Ose ndryshe nuk kisha ma punë në atë shtëpi e fëmijën do t’ma mbanin ata se është gjaku i tyre. Nuk pranova. Kategorikisht. Mu duk imorale, e shpifur, çmenduri dhe pa sens me marr kunatin që e kisha parë gjithmonë si vëlla. Kështu që më larguan nga shtëpia. Fëmijën ma mbajtën. Unë s’kisha takat me luftu. Familja jeme shumë e varfër. Derisa 3 vjet ishtu, vdes vjehrri e pastaj brenda muajsh edhe vjehrra. Kunati ma bjen djalin. Dhimbja e atyre viteve ka ken e papërshkrueshme. Kush mos e provoftë. Sot jetoj me fmin tim dhe jam shtatzënë me një vajzë nga burri i ri italian.