Plagoset me armë zjarri një person, e gjejnë të larë në gjak pas një karburanti

Plagoset me armë zjarri një person, e gjejnë të larë në gjak pas një karburanti

Një person është plagosur me armë zjarri, ndërkohë që një kalimtar i rastit e ka gjetur të larë në gjak.

Mbrëmjen e djeshme, e mërkurë, policia e Vlorës është njoftuar prej një personi, për një të plagosur.

Denoncuesi ka thënë në polici se në vendin e quajtur “Guri i Çifutit'”, në rrugën e Nartës ka konstatuar pas një karburanti një person të plagosur me armë gjahu.

I plagosuri është M.H., 23 vjeç, i cili ndodhet në spitalin e Vlorës. Mësohet se pas ndihmës së marrë, ai ndodhet jashtë rrezikut për jetën.

Sakaq policia po punon për zbardhjen dhe sqarimin e plotë të rrethanave të ngjarjes. /a.y/noa.al

Foto ilustruese

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.