Kuriozitete
Po transportonte duhan të grirë kontrabandë, përfundon në pranga një i ri
Po transportonte duhan të grirë kontrabandë, përfundon në pranga një i ri
Me akuzën për kontrabandë mallrash, një 34-vjeçar ka përfunduar në prangat e policisë.
Bëhet fjalë për shtetasin Erzen Haliakaj, banues në Malësinë e Madhe, i cili kishte në automjetin e tij 700 kg duhan të grirë, gati për shitje.
Ngarkesa, që rezultoi kontrabandë, u zbulua gjatë kontrollit policor në rrugën Lezhë – Milot.
Njoftimi i policisë: “më datë 19.10.2017, në vijim të punës për goditjen e rasteve të kontrabandës me mallra që paguhet akcizë, gjatë kontrollit të ushtruar nga shërbimet policore, në rrugën Lezhë – Milot, u konstatua një mjet furgon tip Benz ku brenda tij kishte 700 kg duhan të grirë, i paketur gati për shitje”.
Arrestimi i personit u bë pasi nuk dispononte asnjë dokumentacion justifikues të këtij malli.
Metariale në ngarkim të tij iu referuar prokurorisë për veprat penale “Kontrabandë me mallra që paguhet akcizë”, “Tregtimi dhe transportimi i mallrave që janë kontrabandë”, “Fshehja e të ardhurave”, “Prodhimi i kundërligjshëm i artikujve industrialë dhe ushqimorë”. /k.k/noa.al/
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.