“Rama ndërmjetës për shkëmbim territori mes Serbisë dhe Kosovës!”

"Rama ndërmjetës për shkëmbim territori mes Serbisë dhe Kosovës!"F. Tenolli

Lajme

Sipas gazetës serbe “Danas”, mes Serbisë dhe Kosovës po zhvillohen negociata për shkëmbim territori.

Në këtë artikull shkruhet se informacioni është siguruar nga qarqe diplomatike dhe se kryeministri shqiptar Rama është ndërmjetës në këtë proces.

Kjo ide është parë gjithnjë si një zgjidhje për zgjidhjen e problemit mes dy vendeve dhe njohjes së Pavarësisë së Kosovës nga Serbia.

Sipas gazetës, kjo ide “është për momentin kundër çdo hapi që komuniteti ndërkombëtar ka hedhur në Kosovë për 30 vite”.

Danas thotë se “burime diplomatike spekulojnë se ekzistojnë dokumente lidhur me shkëmbimin e territorit që qarkullojnë në disa qarqe”.

Burimet e cituara, sigurojnë se Bashkimi Europian, nuk do të ishte kundër kësaj nisme nëse ajo do të sillte njohjen e Kosovës.

JOQ.al