Kuriozitete
Sekuestrimi i 10 tonëve me drogë, aksioni i policisë për arrestimin e vëllait të Moisi Habilaj
Sekuestrimi i 10 tonëve me drogë, aksioni i policisë për arrestimin e vëllait të Moisi Habilaj
Zbulimi dhe sekuestrimi i 10 tonë drogë në Babicë të Vlorës mbrëmjen e djeshme, ishte surprizë për policinë.
Uniformat blu ishin në aksion për të arrestuar vëllanë e Moisi Habilaj, pas arrestimit të këtij të fundit në fillim javë në Itali, duke bërë që prej dosjes hetimore të dalë emri i ish-ministrit të Brendshëm, Saimir Tahiri, si i përfshirë.
Hetimet nisën nga Prokuroria e Krimeve të Rënda në bashkëpunim me policinë, duke çuar në zbulimin e lëndës narkotike.
Në shënjestër të aksionit të orëve të vona të së mërkurës ka qenë vëllai i Moisi Habilaj, Florian Habilaj.
Ishte ish-kryeministri Sali Berisha ai që publikoi mbrëmjen e së mërkurës një video të aksionit ku u sekuestruan 10 ton drogë.
Mësohet se droga, është sekuestruar në Babicë të Vlorës.
Denoncimi është bërë në Facebook nga Sali Berisha ku i referohet qytetarit dixhital.
Postimi i plotë i Sali Berishës:
Në Babicë kapen 10 ton drogë të klanit Rama – Tahiri! Sb
Qytetari dixhital denoncon!
“Mirëmbrëma doktor.
Në Babicë e vogël sapo është kapur rreth 10 ton drogë.
Në shtëpinë Armand Koçerri mik i Habilajve.
Vila e personit e ruajtur me kamera dhe sistem sigurie”. /a.y/noa.al
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.