Shkupi i sjell ‘ters’ Ronaldos, rrëshqet dhe gati sa nuk rrëzohet nga shkallët e autobusit (Video)

Ylli i Real Madridit, Cristiano Ronaldo për pak i ka shpëtuar një dëmtimi një ditë para ndeshjes ndaj Manchester Unitedit.

Real Madridi dhe Manchester Unitedi do luajnë nesër (e martë) mes vetë në Shkup në kuadër të Superkupës së Evropës.

Dy gjigantët evropianë kanë mbërritur sot gjatë ditës në Shkup, ku kanë zbarkuar nga autobusi për në hotel.

Megjithatë, ylli i Realit, Ronaldo kishte një problem dhe gati sa nuk u rrëzua nga shkallët e autobusit.

Në një video të publikuar shihet teksa portugezi rrëshqet tek shkallët, por forma dhe lëvizjet e tij të shpejta bënë që CR7 t’i shpëtoj më të keqes, lëndimit. /Telegrafi/