Tentoi të korruptojë policët italianë, prangoset shqiptari

Tentoi të korruptojë policët italianë, prangoset shqiptari

Një shtetas shqiptar, për pak mendoi se ishte në vendin e tij kur i ofroi 15 euro karabinierëve në Itali.

Ai u kap me shkelje të rregullave të qarkullimit rrugor, dhe për të shmangur penalitetet ofroi para në mënyrë që autoritetet të mbyllnin një sy.

Por ky veprim i kushtoi rëndë, teksa u prangos me akuzën e nxitjes së korrupsionit.

Hasim Balliu u ndalua në stacionin kryesor të Cerignola-s.

“Merrni këto 15 euro dhe më lejoni të iki,” mësohet t’i ketë thënë shqiptari karabinierëve. Por policët italianë nuk kanë pranuar të korruptohen nga shqiptari duke e prangosur atë dhe dërguar në rajon. /k.k/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.