Vajza u nxjerr “bojën” burrave që e ngacmojnë në rrugë, i bën selfie e i publikon në Instagram

Një 20 vjeçare ka ndërmarrë një nismë duke denoncuar të gjithë burrat që ngacmojnë vajzat e gratë në rrugë. E për të treguar se sa është përhapur një fenomen i tillë në shoqëri. Noa Jansma, një studente holandeze ka krijuar një adresë në Instagram për të postuar selfie me personat që e ngacmojnë në rrugë. Shpesh herë në rrugë i ndodh ta ngacmojnë verbalisht persona të panjohur. E kujt vajze nuk i ka ndodhur?

Noa thotë se:

Shumë njerëz nuk e kuptojnë sesa janë të përhapura këto raste. Për të treguar këtë vendosa të nis këtë eksperiment”, ka shkruar Noa në Instagram.

Ajo shton se ky profill në Instagram ka për qëllim të denoncojë keqtrajtimet që i ndodhin një gruaje në jetën e përditshme çdo ditë:

Duke pasur parasysh se shumë njerëz nuk e dinë sesa të përhapura janë ngacmimet në rrugë, për një muaj do ju tregoj me foto njerëzit që më ngacmojnë në rrugë”- ka shkruar vajza në Instagram.