Zhdukje e mistershme e një djali të ri, iku në punë por nuk gjendet më

Zhdukje e mistershme e një djali të ri, iku në punë por nuk gjendet më

Një 18 vjeçar rezulton të jetë zhdukur tashmë prej të paktën 2 ditësh ndërsa nuk ka ende asnjë gjurmë të tij.

Ngjarja ka ndodhur në Durrës, ku i zhdukur raportohet Stebastian Kovaçi 18 vjeç, banues në lagjen Nr.13 në Durrës.

Kovaçi është larguar nga banesa të premten e 24 nëntorit për të shkuar në punë, në një parking në afërsi të Vollgës ku punonte si roje.

Por nga verifikimet e kryera, ai ka munguar të premten në punë, ndërsa nuk ka asnjë gjurmë të tij se ku mund të jetë zhdukur.

Kanë qenë familjarët që kanë njoftuar policinë, duke e deklaruar atë të zhdukur.

I riu mësohet të jetë rreth 1.50 cm i gjatë, me flokë ngjyrë të zeza të prera shkurt dhe ka veshur një palë xhinse blu, një triko ngjyrë blu dhe atlete ngjyrë kafe.

Policia fton çdo qytetar që e ka parë ose ka ndonjë informacion të telefonojnë në numrin 0694110217. (e.c/noa.al)

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.