Zidane zhgënjen Ronaldon, ky është lojtari më i mirë i Realit sipas francezit

Zidane zhgënjen Ronaldon, ky është lojtari më i mirë i Realit sipas francezitL. Çela

Sport

Zinedine Zidane të hënën u shpall “Trajneri i vitit” nga FIFA, pas suksesit të përsëritur me Real Madridin në sezonin e kaluar.

Deklarata e tij më e papritur në ceremoninë e Londrës nuk pati lidhje me çmimin e fituar, por me lojtarin që ai zgjodhi si më të rëndësishmin e skuadrës së tij.

Pyetja për këtë iu bë duke iu referuar faktit që në 11-shin e më të mirëve të vitit shumica ishin madrilenë (Ramos, Marcelo, Kroos, Modric dhe Ronaldo).

Ja si u përgjigj francezi:

Ramos e di se është kapiteni ynë dhe se në fund ai është lojtari më i rëndësishëm i skuadrës. Nuk ka dyshime. Ky klub është më i miri në botë dhe duam të vazhdojmë të bëjmë historinë. Kjo vlen për lojtarët dhe të gjithë njerëzit që punojnë këtu”.

Kjo deklaratë me siguri që nuk i ka pëlqyer yllit Cristiano Ronaldo.

JOQ.al