Të gjithë e prisnin, por ja çfarë nuk ndodhi në dasmën e Lekës me Elian

Dasma e Lekës me Elian po komentohet gjerësisht në media dhe aq në detaje, saqë vetëm të brendshmet e nuses dhe dhëndrit kanë ngelur pa u marrë vesh. Gazetarja e një televizioni që po transmetonte ceremoninë live nuk la detaj pa dhënë, e madje përmendi edhe menynë që do të servilet në këtë dasmë.

Por, ajo që ndoshta u anashkalua pa u vënë re, është momenti kur lali Eri, kryebashkiaku i Tiranës, i cili celebroi Lekën dhe Elian, i shpalli burrë e grua. “Leka, mund ta puthësh Elian”, – tha kryebashkiaku.

Ndoshta të gjithë prisni, një puthje si të gjithë çifteve të tjera që sapo martohen, ku dhëndri e puth nusen në buzë, por këtë herë jo. Princi ynë është burrë me namuz dhe nuk e puth gruan e tij në publik, ndaj ata janë takuar e puthur në faqe, si të ishin dy shokë të mirë.

Ndoshta ka ndonjë rregull apo protokoll që princi dhe princesha nuk duhet të puthen në buzë në ambiente publike, ndoshta është ndonjë zakon aristokratësh, ndoshta ai nuk donte t’i prishte buzëkuqin, ne nuk e dimë, por këtë herë na zhgënjeve o Princ!