Kuriozitete
Njihuni me 9-vjeçarin nga Shkodra, arkitektin e ardhshëm
Ky që shihni në foto është Gerald Idrizi, 9-vjeçari nga Shkodra. Ndryshe nga cdo bashkëmoshatar i tij, ai nuk luan në kompjuter me lojëra por shfrytëzon çdo minutë për të praktikuar aftësitë e tij për ndërtimin dhe dizenjimin e shtëpive.
Ëndrra e tij për t’u bërë arkitekt lindi në moshën 5-vjeçare, pikërisht kur zbuloi edhe talentin e tij. Sipas vëllait të tij ky talent nuk është i trashëguar nga paraardhësit e tij, pasi Geraldi është i pari në fisin e tij që ka prirjet për t’u bërë arkitekt.
Përshëndetje JOQ. Doja t’ju tregoja për vëllain tim të vogël. Quhet Gerald Idrizi, është 9-vjeç nga Shkodra, ai ka një ëndërr që në të ardhmen të bëhet arkitekt. Jo si çdo moshatar i tij, ai nuk kalon kohë në kompjuter me lojëra, por me ndërtimin dhe dizenjimin e shtëpive. Për moshën që ka ai posedon aftësi të shkëlqyera dhe ide të mrekullueshme. Faleminderit nëse e postoni.
Ne i urojmë suksese Geraldit në realizimin e ëndrrës së tij si arkitekt.
