Përbërësit që u duhen meshkujve për të rritur fertilitetin

Gjithsesi, është e rëndësishme të dini se konsumimi i ushqimeve të mëposhtme nuk garanton përmirësimin e problemeve të rënda me fertilitetin, kështu që duhet të konsultoheni me mjekun.

Maka

Ka origjinë nga Peruja dhe shitet zakonisht në formë pluhuri. Peruanët kanë mijëra vite që e përdorin pasi është shumë e mirë për furnizimin me energji. Ka 30 minerale që përmbajnë shumë glukosinolate, që ndihmojnë në përmirësimin e fertilitetit, si te meshkujt, ashtu edhe te femrat.

Panxhari

Ka veti që i japin një shtysë fertilitetit të mashkullit. Të pasura me folate, të njohura ndryshe si B9, panxhari ul lodhjen dhe rrit numrin e spermatozoidëve. Përmban edhe nitrate që përmirësojnë qarkullimin e gjakut.

Pjalmi

Pjalmi është një tjetër ushqim i shëndetshëm që është i lidhur me përmirësimin e fertilitetit te meshkujt. Ka shumë vitamina dhe minerale që janë të nevojshme për njerëzit. Gjithashtu, mendohet se përmirëson funksionin seksual dhe si rezultat, riprodhimin.

Ubikuinoli

Është një antioksidant i fuqishëm që prodhohet nga trupi. Me kalimin e moshës, prodhimi natyral i tij nis të ulet pak nga pak. Ubikuinoli ndihmon në mbrojtjen e qelizave të spermës nga stresi oksidativ, që është shkak për infertilitetin mashkullor. Gjendet te spinaqi, por duhen ngrënë rreth 50 tasa me spinaq për të marrë dozën e nevojshme ditore të ubikuinolit.

Seleni

Vetëm dy arra braziliane në ditë përmirësojnë fertilitetin e mashkullit. Seleni në këto arra është vërtetuar se mbron spermën nga radikalet e lira. Ky mineral ka antioksidantë që mund të përmirësojnë lëvizshmërinë e spermatozoidëve.