Lëvizja në Instagram që dëshmon se të gjitha gratë duhet të krenohen për celulitin e tyre (Foto)

Sipas një studimi nga Scientific American, rreth 93 për qind e grave kanë celulit dhe kjo mund të jetë si pasojë e gjenetikës.

Mund të ketë ekzistuar apo ndoshta ekziston ende një periudhë në jetën tuaj ku ndjeheni e pasigurt rreth celulitit. Por, Kenzie Brenna, vloggere 26 vjeçare kanadeze dhe aktiviste e trupit është këtu për t’i ndaluar të gjitha ato pasiguri, transmeton Telegrafi.

Muajin e kaluar ajo ka postuar foton e parë “#CelluliteSaturday” në Instagram me shpresën se do të fillojë një lëvizje ku të gjitha gratë do të postojnë vikendeve bashkë me të. Përse kjo? Sepse kështu njerëzit do të ndalojnë së trajtuari celulitin si diçka të turpshme apo si problem që duhet hequr qafe.

Edhe super-modelet kanë celulit. Kjo lëvizje shërben si rikujtim për të gjithë njerëzit se ne duhet ta pranojmë çdo karakteristikë të trupit. /Telegrafi/