Kuriozitete
Nga sot çdo serb do ta urrej Romën: Në videon lamtumirëse për Tottin, shfaqet edhe pavarësia e Kosovës (Video)
Francesco Totti, një legjendë e futbollit, të dielën do të luajë ndeshjen e fundit për klubin e Romës.
Totti debutoi si futbollist profesionist në vitin 1993 dhe kurrë gjatë karrierës nuk ka ndryshuar ngjyrat e klubit.
Në nder të largimit të “Princit të Romës”, ka pasur shumë mesazhe lamtumirës në të gjitha rrjetet sociale.
Ndërkaq, skuadra romake i ka renditur dhjetë gjëra që kanë ndodhur gjatë kohës sa italiani ka luajtur futboll, transmeton Telegrafi.
Një prej tyre, mediat serbe e kanë marrë si ofenduese dhe ka të bëjë me Kosovën.
Në fakt, një prej ndryshimeve gjatë këtyre 24 vjetëve është shpallja e pavarësisë së Kosovës në vitin 2008 dhe këtë klubi romak e ka renditur në vendin e dytë pas lansimit të iPod në vitin 2001.
Pas kësaj vijnë edhe lindja e Justin Bieberit, transmetimi i episodit të parë të serisë “Friends”, filmi i parë i serisë së filmave rreth Harry Potter dhe shpikja e Sony PlayStation.
