Pezullohet mësimi në të gjithë vendin, moti i keq mbyll shkollat

Pezullohet mësimi në të gjithë vendin, moti i keq mbyll shkollatA. Naçi

Lajme

Pasi drejtoria arsimore e qarkut të Gjirokastrës dha lajmërimin se do të pezullonte mësimin në shkollat e ciklit 9-vjeçar, Ministria e Arsimit ka vendosur që të ndërpresë mësimin në gjithë vendin për ditën e nesërme.

Shkak për këtë janë bërë shirat që kanë përfshirë gjithë vendin që në orët e para të mëngjesit të ditës së sotme.

Ndërkohë që është paralajmëruar se moti i keq pritet të përkeqësohet në orët në vijim.

Njoftimi i MAS:

Për shkak të përkeqësimit të motit në të gjithë vendin, si dhe nga informacionet e marra nga Drejtoritë Arsimore Rajonale dhe Zyrat Arsimore mbi situatën e rreshjeve të dendura të shiut, Ministria e Arsimit, Sportit dhe Rinisë njofton pezullimin e procesit mësimor, në datën 01 dhjetor 2017, në të gjitha institucionet arsimore të arsimit parauniveristar. Dita e humbur e procesit mësimor do të zëvendësohet një ditë tjetër".

JOQ.al