Shëndetësi
Keku i Vitit të Ri (Vasilopita)
Nëse dëshironi të përgatisni një kek sipas traditës greke, duke i vënë edhe një monedhë brenda, atëherë kjo është koha më e mirë për ta përgatitur.
Përbërësit:
500 gr miell
3 lugë të vogla pluhur pjekës
5 vezë
Pak kripë
400 gr sheqer
250 gr gjalpë
1 lugë të vogël kanellë
1/2 lugë të vogël karafil
2 vanilje
Lëkurë portokalli e grirë
120 gr lëng portokalli
1/2 lugë e vogël sode
120 gr qumësht
80 gr konjak
200 gr arra të grira
Përgatitja:
Fillimisht ngrohim furrën në 170 gradë. Rrahim të bardhat e vezës bashkë me kripën derisa të bëhen marengë. Në mikser rrahim gjalpin me sheqerin për pak minuta derisa të bëhen kremozë. Shtojmë kanellën, karafilin, vaniljen dhe lëkurën e portokallit.
Më pas një nga një shtojmë të verdhat e vezës. Hedhim sodën tek lëngu i portokallit dhe këtë e shtojmë tek masa që kemi përgatitur më lartë. Vazhdojmë duke shtuar në mikser miellin, qumështin dhe konjakun. Në fund hedhim arrat e grira dhe marengën.
Në një tavë me diametër 30 me 32 cm të cilën e kemi lyer me gjalpë hedhim brumin dhe i vendosim një monedhë sipas dëshirës. E pjekim për 1 orë. Për ta provuar që është pjekur e provojmë me një thikë. Nëse thika është e thatë atëherë Vasilopita është gati. E kthejmë përmbys në një pjatë dhe i hedhim sipër bajame të pjekura ose sheqer pluhur. Ju bëftë mirë!/Shije.al
