Masivi shkëmbor zë poshtë “Range Roverin”, 2 burra dhe një grua mbeten të vdekur

Një aksident i rëndë ka ndodhur disa minuta më parë në aksin Malecaj-Torovicë, në Lezhë.

Sipas informacioneve paraprake është mësuar se një masiv shkëmbor nga mali i Torovicës është shkëputur dhe ka vënë poshtë një automjet tip “Range Rover”.

Rrëshqitja e masivit shkëmbor ka ndodhur për shkak të reshjeve të shiut.

Sipas njoftimit të policisë së Lezhës të vdekur kanë mbetur tre persona.

Dy prej viktimave kanë qenë burra dhe një grua.