Shëndetësi
Mënyrë natyrale për zbutjen e thembrave
Jeta moderne, këpucët e papërshtatshme, qëndrimi për orë të tëra me këpucë veshur etj, shumëherë na i dëmton këmbët e sidomos thembrat si një nga pjesët më të ndjeshme të shputës
Por për secilin problem kemi zgjidhje. Përkrah kremërave të shumta që eksiztojnë nga markat e njohura, ka gjithashtu edhe mënyra të tjera krejtësisht natyrale por edhe shumë efektive për rregullimin e thembrave.
Ne ju sjellim një recetë shumë të thjeshtë për zbutjen e thembrave tuaja.
Ju nevojiten:
5 lugë të mëdha sodë buke
shampon flokësh, i trashë
Disa pika limon
Përdorimi:
Para se të filloni procedurën, mbushni një kovë me ujë të nxehtë dhe mbani këmbët tuaja në të për 5 minuta.
Në një enë përzieni përbërësit fort derisa të përfitoni një masë homogjene.
Më pas aplikojeni masën në këmbët tuaja duke u bërë masazh njëkohësisht.
Nëse thembrat tuaja janë shumë të forta atëherë fërkoni ato butësisht me një brushë.
Krejt në fund shpërlani me ujë dhe pastaj lyeni këmbët me kremë.
Soda e bukës nuk është një produkt shumë i mirë vetëm për thembrat e forta, por poashtu eliminon aromat e pakëndshme, ndihmon në shërimin më të shpejtë të plagëve dhe poashtu lufton infeksionet fungale.
