Receta tradicionale e lakrorit për natën e Vitit të Ri

Nëse keni shumë njerëz të cilët do e ndajnë ndërrimin e viteve me ju atëherë ju duhet një tavolinë e larmishme dhe e plotë.

Prandaj sot po iu sjellim recetën tradicionale të lakrorit me mish.

Përbërësit:

600 gr miell

pak kripë

vaj

ujë

Gjella:

250g mish

1 filxhan çaji gjalpë

300 gr qepë

kripë

piper i zi

Përgatitja:

Në fillim përgatisni gjellën, që do të shërbejë si mbushje për lakrorin.

Në një tigan hidhni mishin dhe gjalpin që të skuqet. Shtoni qepët e grira hollë dhe lërini të skuqen për pak minuta.

Më pas shtoni kripën dhe piperin e zi. Ndërkohë përgatisni brumin, hidhni miellin, shtoni kripën, vajin dhe ujin.

Përzieni me dorë derisa të jetë krijuar një brumë homogjen. Mbulojeni me një mbulesë dhe lëreni të vijë për 1 orë.

Pasi brumi ka ardhur nisni të hapni petët. Petën e parë hapeni dhe shtrojeni në tavë.

Sipër shtoni gjellën e përgatitur me mish, dhe e vendosim të piqet në furrë derisa të përthithë mbushjen.

Më pas shtoni petën e dytë të trashë. Dhe spërkateni me vaj nga lart. Vendoseni të piqet në furrë për 50 minuta në 200 gradë C.