Tiranë, babai denoncon zhdukjen e vajzës së mitur

Tiranë, babai denoncon zhdukjen e vajzës së mitur

Një vajzë e mitur në Kamëz, është denoncuar nga familjarët e saj në polici e zhdukur.

Gjatë ditës së djeshme babai i saj, V.Z., 45 vjeç, banues në Kamzë, ka kallëzuar në polici, se i është larguar nga banesa vajza e tij 16 vjeçe D.Z.

Babai i saj tha para uniformave blu gjatë ditës së djeshme se e bija është zhdukur pa lënë gjurmë prej dy ditësh dhe se ai nuk di ku ta kërkojë.

Pavarësisht kërkimeve të tij tek të afërmit apo shoqet e saj, e mitura nuk dihet se ku është, duke u shprehur i shqetësuar për fatin e të bijës.

Pas denoncimit të bërë nga babai i të zhdukurës, policia vijon punën për gjetjen dhe kthimin e të miturës në banesë, ndërsa materialet i kaluan Prokurorisë së Rrethit Gjyqësor Tiranë për veprime të mëtejshme./b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.