Luan Rama: Fikja e radarëve, qeveria na bëri turpin e NATO-s

Luan Rama: Fikja e radarëve, qeveria na bëri turpin e NATO-s

Nënkryetari i Lëvizjes Socialiste për Integrim, Luan Rama ka reaguar ashpër pas zbardhjes së përgjimeve të bandës së Habilajve.Sipas Luan Ramës, kjo qeveri e bëri Shqipërinë, turpin e NATO-s.

"Kam dy muaj që denoncoj publikisht dhe politikisht faktin që radarët e Forcave Detare dhe ato të Policisë së Shtetit nuk kanë qenë në punë që prej vitit 2014, por asnjë institucion shtetëror nuk ka reaguar.

Te gjithë kanë heshtur, të gjithë vazhdojnë të heshtin! Dhe ja ku na del nga përgjimet e publikuara, se radarët e shtetit i kontrollonin trafikantët e pushtetit!

Forca e shembullit: qeverisja e krimit dhe e trafikantëve e ka bërë Shqipërinë turpin e NATO-s!

Për t'ju shërbyer trafikantëve, është cënuar rëndë siguria kombëtare, është cënuar rëndë standardi i sigurisë së NATO-s? Hapësirën detare të Republikës së Shqipërisë”, shkruan Luan Rama në Facebook. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.