Kuriozitete
Mos i lidhni fëmijët e vegjël, është e dëmshme për ta
Mos i lidhni fëmijët e vegjël, është e dëmshme për ta
Mjekët australianë kanë paralajmëruar prindërit e fëmijëve të porsalindur lidhur me pasojat që mund të ketë lidhja dhe mbështjellja e tyre.
Praktika e lidhjes së bebes, shumë e ndjekur edhe në Shqipëri, mund të çojë edhe në nevojën për operacion në zonën e legenit, shkruan Femina.
Metoda e lidhjes së bebeve përdoret shpesh për t’ua qetësuar atyre dhimbjet e barkut dhe për t’u ndihmuar të flenë, madje shihet edhe si një mënyrë për të parandaluar vdekjen e papritur të tyre.
“Në komunitetin e mjekëve ortopedë të Amerikës së Veriut, Britanisë së Madhe dhe Australisë, lidhja e bebeve është një shqetësim në rritje. Ajo mund të çojë në zhvillimin e displazisë së legenit”, thonë ata.
Fëmijët duhet të jenë të lirë që t’i lëvizin këmbët dhe t’i përkulin në “pozicionin e bretkosës”, thonë mjekët.
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.