Jonida Shehu braktis “Pasdite në Top Channel”, zbulon arsyen

Jonida Shehu braktis “Pasdite në Top Channel”, zbulon arsyen

Pas më shumë se dy vitesh në rolin e drejtueses së “Pasdite në Top Channel”, moderatorja Jonida Shehu duket se ka braktisur emisionin.

Lajmi bëhet i ditur nga ‘Panorama Plus’ që gjithashtu, ka mësuar se Shehu është larguar që të premten dhe nuk ka më ndërmend të rikthehet në Top Channel.

“Jam larguar që të premten. U ndjeva e papërshtatshme për të vazhduar punën aty. Ky vendim është i pakthyeshëm”, ka thënë moderatorja e famshme, duke mos dhënë shpjegime të tjera për largimin e saj nga emisioni.

Megjithatë me fjalët e saj ajo ka ngritur dyshime se pas këtij vendimi qëndron një konflikt i mundshëm.

Një gjë e tillë do të thotë se ditën e sotme në ‘Pasdite në Top Channel’ mund të ketë një tjetër moderatore.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.